గత కొన్ని రోజులుగా తమన్నాపేరు ఇండస్ట్రీలో బాగా వినిపిస్తోంది. ఈ బ్యూటీ బోల్డ్గా నటించిన రెండు వెబ్సిరీస్లు ఓటీటీల్లో ఓ రేంజ్లో దుమ్ముతులుపుతున్నాయి. అతి త్వరలో తెలుగు తెరమీద అగ్ర హీరోల సరసన సందడి చేసేందుకు రెడీ అయ్యింది తమన్నా. దీంతో ఇప్పటి నుంచే ప్రమోషన్లను మొదలుపెట్టేసింది. ప్రమోషన్స్లో భాగంగా తాజాగా తమన్నా ఓ ఇంటర్వ్యూలో తన పర్సనల్ విషయాలతో పాటు ప్రొఫెషనల్ సంగతులను షేర్ చేసింది. ఈ ఇంటర్వ్యూలో టాలీవుడ్ హీరోలపై పొగడ్తల వర్షం కురిపించింది తమ్ము. టాలీవుడ్ హీరోలంతా ఎంతో సంస్కారవంతులని ప్రశంసించింది.
తమన్నా ఇంటర్వ్యూలో మాట్లాడుతూ..‘‘టాలీవుడ్ నటులు స్త్రీలతో చాలా మర్యాదగా వ్యవహరిస్తారు. ఆ పద్ధతిని వారు తమ పేరెంట్స్ నుంచి నేర్చుకున్నారని నా ఒపీనియన్. సినిమా షూటింగ్‌ జరుగుతున్నప్పుడు తమ తోటి హీరోయిన్స్ను ఎంతో గౌరవిస్తారు. ఇతర ఇండస్ట్రీల్లోని నటులకు తెలుగు హీరోలకు మధ్య ఉన్న తేడా అని చెప్పవచ్చు. రామ్‌ చరణ్‌, నాగచైతన్య లాంటి హీరోలైతే తమ కో స్టార్స్ను ఎంతో రెస్పెక్ట్గా చూసుకుంటారు. అందుకే వారితో నటించేందుకు హీరోయిన్స్‌ చాలా కంఫర్ట్గా ఫీల్ అవుతారు. అలాంటి వాళ్లను చూశాక అబ్బాయిలపై నాకు ఉన్న ఒపీనియన్ మారిపోయింది’’అని చెప్పుకొచ్చింది తమన్నా.
ఓటీటీల్లో రెండు వెబ్‌సిరీస్‌లతో హల్ చల్ చేసిన తమన్నా.. త్వరలోనే అగ్ర హీరోల సినిమాలతో అదరగొట్టబోతోంది. తమన్నా నటించిన రెండు సినిమాలో ఒక్కరోజు తేడాతో వెండితెరమీద రిలీజ్ అయ్యేందుకు రెడీగా ఉన్నాయి. రజనీకాంత్‌ తో నటించిన ‘జైలర్‌’ సినిమా ఆగస్టు 10న విడుదలకానున్న విషయం తెలిసిందే. అలాగే మెగాస్టార్ చిరంజీవితో నటిస్తోన్న ‘భోళా శంకర్‌’ మూవీ ఆగస్టు 11న విడుదల కానుంది. ఇప్పటికే షూటింగ్‌ పూర్తిచేసుకున్న ఈ మూవీ పోస్ట్ ప్రొడక్షన్‌ పనులు వేగంగా జరుగుతున్నాయి.