బిగ్‌బాస్‌కు సెలక్ట్ చేసి హ్యాండిచ్చారు.. మై విలేజ్ షో అనిల్ ఆవేదన
తెలుగు బిగ్‌బాస్ షో సీజన్ 7 మరో మూడు రోజుల్లో ప్రారంభం కానుంది. కంటెస్టంట్లు ఎవరన్నదానిపై ఉత్కంఠ కొనసాగుతోంది. 20 మంది పేర్లు చక్కర్లు కొట్టినా ఎప్పట్లాగే చివరి క్షణం వరకు సస్పెన్స్ తప్పదు. ఈ సీజన్ ఎంపికను పకడ్బందీగా పూర్తిచేసినా ఎప్పట్లాగే కొన్ని విమర్శలు వస్తున్నాయి. తన పేరు కన్ఫామ్ చేసి, చివరి నిమిషంలో అన్యాయం చేశారని మై విలేజ్ షో యూట్యూబర్ అనిల్ గీలా ఆవేదన వ్యక్తం చేశారు. వై విలేజ్ షో ఫేమ్ గంగవ్వ ఇదివరకు బిగ్ బాస్‌లోకి వెళ్లడంతో ఆ బ్యాచి నుంచి ఒకర్ని తీసుకుంటారని, అనిల్‌కు బెర్త్ కన్ఫామ్ అని కొన్నాళ్లుగా వార్తలు వస్తున్నాయి. తనతో అన్నీ మాట్లాడి ఓకే చెప్పి చివరికి మొండి చేయి చూపారని అనిల్ ఓ వీడియో పోస్ట్ చేశారు. సినిమాలా, బిగ్ బాసా ఎదో ఒకటి ఎంచుకోవాల్సిన స్థితిలో బిగ్ బాస్ తనకు ఓకే చెప్పిందని, తర్వాత తిరస్కరించిందని తెలిపారు.
‘‘బిగ్ బాస్ నుంచి పిలుపు వచ్చింది. మొదట్లో చాలా సంశయించాను. నా చేతిలో కొన్ని సినిమా స్క్రిప్టులు ఉన్నాయి. నిర్మాతలో మాట్లాడితే సెట్ అయ్యే అవకాశం ఉంది. నేను బిగ్ బాస్‌లోకి వెళ్తే తర్వాత సినీ నటుడిగా జనం నన్ను స్వీకరిస్తారా అని ఆలోచించాను. కానీ డబ్బులు, మరింత పేరు వస్తాయి కాబట్టి షోకు వెళ్లాలని అభిమానులు, స్నేహితులు చెప్పారు. మా మై విలేజ్ షో కో స్టార్ గంగవ్వ కూడా ఆ మాటే చెప్పింది. బగ్ బాస్ టీమ్ నన్ను ఇంటర్వ్యూ చేసింది. చర్చలు పూర్తయ్యాయి. మా భార్య, అత్తమ్మ వాళ్లు నేను షోకు వెళ్తున్నాను అందరికీ చెప్పారు. అన్నీ పూర్తయి ఓకే చెప్పాక చివరి క్షణంలో రిజెక్ట్ చేశారు. నేను ఈ షోకు వెళ్లడం లేదు. అందివచ్చిన ఆఫర్ పోయింది కనుక ఇక సినిమాలపై దృష్టి పెడతాను’’ అని అనిల్ చెప్పారు.
ఈసారి కూడా నాగార్జునే హోస్ట్ చేస్తున్న షోలో కంటెస్టంట్లు వీరేనని పలువురు నటుల యూట్యూబర్ల పేర్లు చక్కర్లు కొడుతున్నాయి. గత షోలు ప్రేక్షకులకు తలనొప్పి తెప్పించి మాంచి ఎంటర్టైన్‌మెంట్ చేసే బ్యాచిని ఎంపిక చేశారని వార్తలు వస్తున్నాయి. సీనియర్ నటుటు శివాజీ, ఈటీవీ ప్రభాకర్, షకీలా, నటి ఫర్జానా, యాంకర్ ప్రత్యూష, ప్రిన్స్ యావర్, నటుడు క్రాంతి, బుల్లితెర తారలు అంజలి, శుభశ్రీ, ప్రియాంకా జైన్, పూజా మూర్తి, అర్జున్ బంటి, ఆట సందీప్, జబర్దస్త్ తేజ, రియాజ్, గాయకుడు భోలే షావలి, బాహుబలి నటి దామిని భట్ల, పల్లవి ప్రశాంత్, టీవీ యాక్టర్ అమర్ దీప్ చౌదరిల పేర్లు వినిపిస్తున్నాయి.