'ఆర్ఎక్స్100' సినిమాతో నటిగా తన కెరీర్ను స్టార్ట్ చేసి మొదటి సినిమాతోనే టాలీవుడ్ ఇండస్ట్రీని ఓ ఊపు ఊపేసింది పంజాబీ బ్యూటీ పాయల్ రాజ్పుత్. ఈ సినిమా అప్పట్లో సెన్సేషనల్ హిట్ సాధించింది. దీంతో ఈ బ్యూటీ దశ తిరుగుతుందని అంతా భావించారు. కానీ కథలో ఎలాంటి మార్పు కనిపించలేదు. తెలుగులో ఇప్పటి వరకు పాయల్ చాలా సినిమాల్లో నటించినా అవేమీ అమ్మడికి బ్రేక్ ఇవ్వలేకపోయాయి. ఈ క్రమంలో తాజాగా చేసిన ఓ ఇంటర్వ్యూలో అందుకు కారణం ఏమిటో రివీల్ చేసింది పాయల్. తాను ఇండెస్ట్రీలో సక్సెస్ హీరోయిన్ కాకపోవడానికి కారణం డైరెక్టర్లేనని వివాదాస్పద వ్యాఖ్యలు చేసింది.దీంతో పాయల్ రాజ్పుత్ కామెంట్స్ ప్రస్తుతం ఇండస్ట్రీలో హాట్ టాపిక్గా మారాయి.
"ఆర్ఎక్స్ 100 సక్సెస్ తరువాత నేను ఒక్కదాన్నే హైదరాబాద్లో ఉంటున్నాను. ఈ టైమ్లో కొంతమంది అడ్వాంటేజ్ తీసుకుని నన్ను మిస్ గైడ్ చేశారు. కొంతమంది డైరెక్టర్లు నన్ను తప్పుదోవ పట్టించారు. నన్ను వాడుకున్నారు. అందుకే నేను ఇంకా సక్సెస్ కోసం ప్రయత్నిస్తున్నాను. ఇప్పుడు ఏ సినిమా చేసినా బాగా ఆలోచించి నిర్ణయం తీసుకుంటున్నాను. అందుకే ఎలాంటి సమస్యలు లేవు. నేను ఎలాంటి సినిమాలు చేయాలో నాకు ఓ ఐడియా ఉంది. అయితే సినీ ఇండస్ట్రీలో టాప్లోకి వెళతాం, అలాగే కిందకి పడిపోతాం, కానీ తట్టుకొని నిలబడితేనే విజయం. నెగటివిటీని వదిలేసి, పాజిటివ్గా ముందుకు వెళుతున్నా" అని సంచలన కామెంట్స్ చేసింది పాయల్.