పవర్ స్టార్ పవన్ కల్యాణ్ అభిమానుల మానియా మామూలుగా ఉండదు. థియేటర్లలోనే కాదు బయట కూడా రచ్చ రంభోలానే. ఆయన పాత సినిమాలకు కూడా కోట్ల కలెక్షన్ల వరద పారడం దీనికి నిదర్శనం. పవర్ స్టార్ బర్త్ డే సందర్భంగా అన్నదానాలు, రక్తదానాలు ఎప్పుడూ ఉండేవే.
ఈసారి వెరైటీగా చేద్దామని ఓ అభిమానులు రజతాభిషేకం చేశారు. ఒకటి కాదు రెండు కాదు, ఏకంగా 470 కేజీల వెండి నగలతో పవన్ ముఖచిత్రాన్ని తయారు చేశారు. కాలిగజ్జెలు, ఇతర వెండి అభరణాలను ఒక చోటు పోగు చేసిన జనసేన అధినేత రూపాన్ని ఆవిష్కరించారు. ఈ నగలల విలువ దాదాపు రూ. 4 కోట్లు. శనివారం(సెప్టెంబర్ 2) పవన్ కల్యాణ్ జన్మదినం కావడంతో ఈ అలంకరణ చేశారు. నగల పవన్ చిత్రాన్ని వీడియో తీసి జనసేన నాయకుడు నాదెండ్ల మనోహర్‌తో విడుదల చేయించారు. పవన్ అభిమానులు ఈ వీడియోను విపరీతంగా షేర్ చేసుకుంటున్నారు. ఈ రోజు వెండు, రేపు బంగారం అని ధీమా వ్యక్తం చేస్తున్నారు. పవన్ కల్యాణ్ రేపటితో 53వ యేట అడుగుపెట్టనున్నారు.