International Film Awards : అరుదైన గౌరవం అందుకున్న మన నేషనల్ క్రష్
ఇటీవల సినీ ఇండస్ట్రీలో సౌత్ యాక్టర్స్.. నేషనల్, ఇంటర్నేషనల్ స్థాయిలో అవార్డులు తెచ్చుకుంటున్నారు. ఇక సౌత్ సినిమాలు కూడా ప్రపంచ వ్యాప్తంగా గుర్తింపు తెచ్చుకుంటున్నాయి. ఆ కారణంగానే అందులో నటించిన నటీనటులు పలు ఇంటర్నేషనల్ అవార్డులు(International Awards) కూడా గెలుచుకుంటున్నారు. తాజాగా మరో సౌత్ హీరోయిన్ రష్మిక కూడా ఒక అరుదైన గౌరవాన్ని అందుకుంది. అదేంటంటే బెస్ట్ ఏషియన్ యాక్ట్రెస్ అవార్డుకు మన నేషనల్ క్రష్ రష్మిక నామినేట్ అయింది. ఇప్పటివరకు ఏ సౌత్ హీరోయిన్ ఇలాంటి గౌరవాన్ని అందుకున్నది లేదు.
నెదర్లాండ్స్ కి చెందిన సెప్టిమియస్ అవార్డ్స్ 2023 నామినేషన్స్‌లో చోటు సంపాదించుకున్నారు హీరో రష్మిక . నెదర్లాండ్స్ కి చెందిన ఈ సంస్థ ప్రతి సంవత్సరం ప్రపంచవ్యాప్తంగా ఉన్న సినీ పరిశ్రమలకు సంబంధించి కొన్ని విభాగాల్లో బెస్ట్ అవార్డ్స్ ఇస్తారు. అయితే బెస్ట్ ఏసియన్ యాక్ట్రెస్ విభాగంలో రష్మిక పేరు నామినీగా ఉండడం విశేషం. ఇక బెస్ట్ ఏషియన్ యాక్టర్ విభాగంలో మలయాళ నటుడు టోవినో థామస్ నిలిచాడు. అలాగే బాలీవుడ్ కమెడియన్ భువన్ భమ్ కూడా నిలిచాడు. బెస్ట్ ఆసియన్ ఫిలిమ్స్ లో ఇటీవల మలయాళం నుంచి వచ్చి దేశవ్యాప్తంగా మంచి విజయం సాధించిన 2018 సినిమా నిలిచింది. నెదర్లాండ్స్ లోని ఆంస్టర్డమ్ ఈ అవార్డు ఫంక్షన్ జరుగునుంది. ఇక ఈ విషయం తెలియడంతో రష్మిక ఆనందానికి అవధులు లేకుండా పోయాయి. అభిమానులు ఆమెకు ఈ విషయాన్నీ తెలుపగా.. వారికి థాంక్స్ చెప్తూ ట్వీట్ చేసింది. 'ఎంత అద్భుతమైన సర్ప్రైజ్ ఇది. థాంక్యూ ఇదంతా కేవలం మీ ప్రేమ వలనే దక్కింది. మీ అందరికీ నేనెప్పుడూ ఋణపడి ఉంటాను' చెప్పుకొచ్చింది. ప్రస్తుతం ఈ వార్త నెట్టింట వైరల్ గా మారింది. మరి ఆ అవార్డుని గెలుస్తారో లేదో చూడాలి. ఈ అవార్డ్స్ వేడుక సెప్టెంబర్ 26న జరగనుంది.