ఐసీసీ మెన్స్ ఎమర్జింగ్ టీమ్స్ ఆసియా కప్-2023 కోసం బీసీసీఐ భారత జట్టును ప్రకటించింది. శ్రీలంకలోని కొలంబో వేదికగా జరగనున్న ఈ టోర్నీకి జూనియర్ క్రికెట్ కమిటీ 15 మందితో కూడిన ఇండియా ఏ జట్టును ఎంపిక చేసింది. మరో నలుగురికి స్టాండ్ బై ప్లేయర్ గా అవకాశం కల్పించింది. జులై 13- 23వరకు జరిగే ఈ టోర్నీలో 8 దేశాలు పాల్గొననున్నాయి. ఈ జట్టుకు యశ్ ధుల్ నాయకత్వం వహిస్తాడు.
విశాఖకు చెందిన నితీశ్ కుమార్ రెడ్డికి ఈ జట్టులో అవకాశం దక్కింది. ఈ 20ఏళ్ల ఆల్ రౌండర్ ఐపీఎల్ లో సన్ రైజర్స్ టీంలో సభ్యునిగా ఉన్నాడు. 2018లో బీసీసీఐ అందించిన వార్షిక పురస్కారాల్లో.. అండర్ -16 విభాగంలో నితీశ్ కు.. బెస్ట్ క్రికెటర్ అవార్డు దక్కింది.
జట్టు: యశ్ ధుల్ (C), అభిషేక్ శర్మ, సాయి సుదర్శన్, నికిన్ జోస్, ప్రదోష్, రియాన్ పరాగ్, నిషాంత్ సంధు, ప్రభ్సిమ్రాన్ సింగ్, ధ్రువ్ జురేల్, మానవ్ సుతార్, యువరాజ్సింగ్ దోడియా, హర్షిత్ రాణా, ఆకాశ్ సింగ్, నితీష్ కుమార్, రాజ్య వర్ధన్.