భారత్-పాక్ మ్యాచే కాదు...మిగతా మ్యాచ్ ల షెడ్యూల్ లోనూ మార్పు

వన్డే వరల్డ్ కప్ షెడ్యూల్ మార్పు మీద బీసీసీఐ కార్యదర్శి జై షా క్లారిటీ ఇచ్చారు. దీని మీద కొన్ని నిర్ణయాలు తీసుకున్నామని ప్రకటించారు. ఇందులో భారత్-పాక్ మ్యాచ్ ఒక్కటే కాదు మిగతా మ్యాచ్ ల తేదీలను కూడా మార్చాలని నిర్ణయం తీసుకున్నామని తెలిపారు. అయితే తేదీల విషయంలో ఇంకా ఏ డెసిషన్ తీసుకోలేదని....త్వరలోనే నిర్ణయం తీసుకుంటామని అన్నారు.

అక్టోబర్ 15న జరిగే భారత్-పాక్ మ్యాచ్ తేదీని మార్చాలని సెక్యూరిటీ సంస్థలు బీసీసీఐ కి విజ్ఞప్తి చేశాయి. ఆ రోజు నుంచే దేవీ నవరాత్రులు ప్రారంభం అవుతాయని....అహ్మదాబాద్లో వీటిని ఘనంగా చేసుకుంటారు కాబట్టి సెక్యూరిటీ ఇబ్బందులు వస్తాయని చెప్పారు. దీన్ని పరిగణలోకి తీసుకున్న బీసీసీఐ మ్యాచ్ ల షెడ్యూల్ ను మార్చాలని నిర్ణయం తీసుకుంది. గురువారం జరిగిన సమావేశంలో ప్రపంచకప్‌కు సంబంధించిన అన్ని ఆతిథ్య సంస్థలు షెడ్యూల్‌ను మార్చాలని ఐసీసీని అభ్యర్థించాయి. సమావేశం అనంతరం దీనిపై మాట్లాడిన జై షా.. భారత్-పాకిస్థాన్ మధ్య మ్యాచ్ మాత్రమే కాకుండా ప్రపంచకప్ షెడ్యూల్ మార్చాలని మూడు సభ్య దేశాలు ఐసీసీని అభ్యర్థించాయి. అయితే మ్యాచ్ వేదికలో ఎలాంటి మార్పు ఉండదు. తేదీ మాత్రమే మారుతుందని జై షా తెలిపారు.

అక్టోబర్ 15న జరగాల్సిన భారత్ -పాక్ మ్యాచ్ అక్టోబర్ 14న జరిగే అవకాశం ఉండొచ్చని సమాచారం. వేదిక మారదు కాబట్టి దేవీ నవరాత్రులు మొదలవడానికి ఒకరోజు ముందే మ్యాచ్ అయిపోతే సెక్యూరిటీ ప్రాబ్లెమ్స్ ఉండవని చెబుతున్నారు. తేదీల మార్పు మీద కచ్చితమైన సమాచారం రావాల్సి ఉంది ఇంకా.