Shoaib Malik : పాక్ నటి సనా జావేద్‌‌ని పెళ్లి చేసుకున్న షోయాబ్
పాకిస్థాన్ క్రికెటర్, సానియా మీర్జా భర్త షోయాబ్ మలిక్ మరో పెళ్లి చేసుకున్నారు. సానియాతో విడాకులు తీసుకుంటున్నట్లు వార్తలొస్తున్న నేపథ్యంలో అతడు పాక్ నటి సనా జావేద్‌తో కలిసి దిగిన ఫోటోలు షేర్ చేశారు. కాగా షోయబ్ 2010లో సానియాను వివాహం చేసుకున్నారు.వారికి ఒక బాబు సంతానం అంతకు ముందు అయేషా సిద్దిఖీని వివాహమాడిన అతను 2010లో విడిపోయి సానియాను పెళ్లాడారు. తాజగా మలిక్ పెళ్లికి సంబంధించిన పోటోలు ప్రస్తుతం సోషల్ మీడియాలో వైరల్ అవుతువున్నాయి. మాలిక్‌ మళ్లీ పెళ్లి చేసుకోవడం మాత్రం సంచలనంగా మారింది. ఎందుకంటే.. సానియాతో విభేదాలు ఉన్నాయని బయటికి వచ్చింది కానీ, విడాకులు కూడా తీసుకున్నారనే విషయం మాత్రం ఇప్పటి వరకు ఎవరికీ తెలియదు.
అయితే.. ఇప్పటికీ వాళ్లిద్దరూ విడాకులు తీసుకున్నారా? లేదా అనే విషయంపై ఇంకా స్పష్టత లేదు. ఇస్లాం ప్రకారం విడాకులు తీసుకున్నారా? గుట్టుచప్పుడు కాకుండా కోర్టు ద్వారానే విడాకులు తీసుకున్నారా? ఒక వేళ కోర్టు ద్వారా విడాకులు తీసుకుంటే.. ఇండియాలో తీసుకున్నారా? పాకిస్థాన్‌లో తీసుకున్నారా? అనే విషయం తెలియాల్సి ఉంది. ఏది ఏమైనా.. షోయబ్ మాలిక్‌ మరో పెళ్లి చేసుకోవడం మాత్రం సంచలనంగా మారింది. అయితే.. షోయబ్ మాలిక్‌-సానియా దంపతులకు ఒక కుమారుడు ఉన్న విషయం తెలిసిందే. ఆ పిల్లాడు చాలా కాలంగా తల్లి సానియా వద్దే పెరుగుతున్నాడు. ఆ మధ్య కొడుకు పుట్టిన రోజు సందర్భంగా మాలిక్‌-సానియాలు కలుసుకున్నారు. కానీ, ఫొటోలు మాత్రం కలిసి దిగలేదు.