అందరు చూస్తుండగా ఓ దొంగ ఏకంగా 40 ఐఫోన్లు దర్జంగా దొంగిలించుకుని వెళ్లాడు. ఈ ఘటన అగ్రరాజ్యం అమెరికాలో వెలుగు చూసింది. అక్కడ స్టోర్ సిబ్బంది పలువుర కస్టమర్లు ప్రేక్షక పాత్ర పోషించారు. దీనికి సంబంధించిన వీడియో సోషల్ మీడియాలో వైరల్ కావడంతో రాజకీయ నాయకులు సహా పలువురు సెలబ్రీటీలు ఆగ్రహం వ్యక్తం చేశారు. దీంతో ఎట్టకేలకు పోలీసులు దొంగని అరెస్ట్ చేశారు. ముఖాన్ని వస్త్రంతో కప్పుకొని దొంగ ఈ చర్యకు పాల్పడ్డాడు. అక్కడే ఉన్న స్టోర్ సిబ్బంది, పలువురు కస్టమర్లు ప్రేక్షకపాత్ర పోషించారు. స్టోర్‌లోని మూడు డిస్‌ప్లే టేబుళ్లపై ఉన్న ఐఫోన్‌లను దొంగ తీస్తుండగా అందరూ చూస్తుండిపోవడం వీడియోలో కనిపించింది.
ఫోన్లు తీసుకొని దొంగ పారిపోయాడు. దొంగతనం జరిగిన ప్రదేశానికి సమీపంలోనే ఒక పోలీసు వాహనం కూడా ఉంది. ఇందుకు సంబంధించిన వీడియోను ఓ వ్యక్తి టిక్‌టాక్‌లో పోస్ట్ చేయడంతో అది వైరల్‌గా మారింది. శాన్‌ఫ్రాన్సిస్కోలో గత సోమవారం ఈ ఘటన చోటుచేసుకుంది. మరోవైపు ఈ ఘటనపై తీవ్ర విమర్శలు వ్యక్తమవుతున్నాయి. లా అండ్ ఆర్డర్ అమల్లో ఉందా లేదా అని రాజకీయ నాయకులు ప్రశ్నిస్తున్నారు. మాజీ అధ్యక్షుడు డొనాల్డ్ కూడా స్పందించారు. దొంగతనానికి సంబంధించిన వీడియోను ఎక్స్‌లో షేర్ చేసి ‘దీనిపై మీ అభిప్రాయం ఏంటి’ అని ట్రంప్ ప్రశ్నించారు.అయితే సమాచారం అందుకున్న పోలీసులు రంగంలోకి దిగారు. టైలర్ మిమ్స్ అనే 22 ఏళ్ల యువకుడు ఈ దొంగతానికి పాల్పడ్డాడని పోలీసులు గుర్తించారు. అతడి ఇప్పటికే పలు దొంగతనం కేసులు ఉన్నాయని పోలీసులు వెల్లడించారు. అతడిని అదుపులోకి తీసుకున్నామని, శుక్రవారం కోర్టులో ప్రవేశపెట్టనున్నామని పోలీసులు వివరించారు. కాగా నిందితుడు మిమ్స్‌తో పాటు మరో ఇద్దరు నిందితులను కూడా అదుపులోకి తీసుకున్నారు.