టీడీపీ అధినేత చంద్రబాబునాయుడి కంటి ఆపరేషన్ విజయవంతమైంది. మంగళవారం హైదరాబాద్‌లోని ఎల్వీ ప్రసాద్ ఆసుపత్రిలో ఆయన కేటరాక్ట్ సర్జరీ జరిగింది. ఆయకు ఇదివరకే ఎడమ కంటికి కేటరాక్ట్ సర్జరీ చేయించుకున్నారు. కుడికంట్లోనూ శుక్లం రావడంతో ఇప్పుడు సర్జరీ చేయించుకున్నారు. ఆపరేషన్ తర్వాత ఆయన కంటి కట్టుతో చిరునవ్వులు చిందిస్తున్నప్పుడు తీసిన ఫొటో వైరల్ అయింది. ఆపరేషన్ పూర్తి కాగానే బాంబు తన నివాసానికి వెళ్లిపోయారు. సర్జరీకి ముందు ఆయన గచ్చిబౌలిలోని ఏఐజీ ఆసుపత్రికి వెళ్లి చికిత్స చేయించుకున్నారు. మూడు రోజుల కిందట కూడా ఆయన ఏఐజీలో ఒక రోజు ఉండి వైద్యపరీక్షలు చేయించుకున్నారు. ఏపీ స్కిల్ డెవలప్‌మెంట్ స్కాంలో అరెస్టయిన రాజమండ్రి జైలుకెళ్లిన బాబుకు అపరేషన్ చేయించుకోవడానికి కోర్టు నెల రోజుల బెయిల్ మంజూరు చేయడం తెలిసిందే. ఆయన ఈ నెల 28న మళ్లీ జైలుకు వెళ్లాల్సి ఉంది.