టీడీపీ-జనసేన తొలి జాబితా విడుదల 118 మందితో ఫస్ట్ లిస్ట్ రిలీజ్

తొలి జాబితా ప్రకారం టీడీపీ 94,జన సేన 24 అసెంబ్లీ స్థానల్లో పోటీ చేస్తామని టీడీపీ అధినేత చంద్రబాబు ప్రకటించారు. 3 ఎంపీ స్థానాల్లో జనసేన బరిలో ఉంటుందన్నారు. బీజేపీ కలిసొస్తే తగిన సమయంలో నిర్ణయం తీసుకుంటామని ఆయన తెలిపారు. టీడీపీ-జనసేన ఉమ్మడి అభ్యర్థుల జాబితా విడుదలపై నెలకొన్న తీవ్ర ఉత్కంఠకు తెరపడింది. ఎట్టకేలకు టీడీపీ-జనసేన ఉమ్మడి అభ్యర్థుల పస్ట్ లిస్ట్ రిలీజ్ అయింది. 118 మంది అభ్యర్థులతో ఫస్ట్ లిస్ట్‌ను టీడీపీ, జనసేన అధ్యక్షులు చంద్రబాబు, పవన్ కల్యాణ్ ఇవాళ విడుదల చేశారు. 118లో టీడీపీ 94, జనసేనకు 24 స్థానాలు కేటాయించారు.

జనసేనకు 3 పార్లమెంట్ స్థానాలు ప్రకటించారు. టీడీపీ-జనసేన పార్టీల్లోని కీలక నేతల పేర్లు ఫస్ట్ లిస్ట్‌లోనే ఖరారు అయ్యాయి. టీడీపీ చీఫ్ చంద్రబాబు మరోసారి కుప్పం నియోజకవర్గం నుండే బరిలోకి దిగనుండగా.. గత ఎన్నికల్లో ఓటమి పాలైన భీమవరం నుండే మరోసారి పోటీ చేయాలని పవన్ కల్యాణ్ నిర్ణయించుకున్నారు. టీడీపీ జాతీయ ప్రధాన కార్యదర్శి నారా లోకేష్ మంగళగరి, ఏపీ టీడీపీ అధ్యక్షుడు అచ్చెన్నాయడు టెక్కలి, జనసేన కీలక నేత నాదెండ్ల మనోహర్ తెనాలి నుండి బరిలోకి దిగనున్నారు. బీజేపీతో పొత్తు, సీట్లు సర్ధుబాటు కొలిక్కి వచ్చిన తర్వాత మిగిలిన అభ్యర్థులను ప్రకటించనున్నట్లు సమాచారం.

టీడీపీ అభ్యర్థుల జాబితా..

ఇచ్ఛాపురం- బెందాళం అశోక్‌

టెక్కలి-అచ్చెన్నాయుడు

ఆమదాలవలస-కూన రవికుమార్‌

రాజాం-కోండ్రు మురళి

గజపతినగరం -కొండపల్లి శ్రీనివాస్‌

విజయనగరం -ఆదితి గజపతిరాజు

విశాఖ ఈస్ట్‌-వెలగపూడి రామకృష్ణబాబు,

తుని-యనమల దివ్వ

గన్నవరం రాజేశ్‌ కుమార్‌

కొత్త పేట బండారు సత్యానంద రావు

మండపేట - జోగేశ్వరరావు

రాజమండ్రి సిటీ - ఆదిరెడ్డి వాసు

జగ్గం పేట - వెంకట అప్పారావు

ఆచంట - ఈటాల సత్యనారాయణ

పాలకొల్లు - నిమ్మల రామానాయుడు

ఉండి - మంతెన రామరాజు