జనసేన అధినేత పవన్ కల్యాణ్ విశాఖ చేరుకున్నారు. ఉత్తరాంధ్రలో పవన్ దాదాపు 10 రోజుల పాటు పర్యటించనున్నారు. ఇక ఇవాళ్టి నుంచి పవన్ వారాహి మూడో దశ విజయ యాత్ర ప్రారంభం కానుంది. సాయంత్రం జగదాంబ జంక్షన్లో పవన్ బహిరంగ సభను ఏర్పాటు చేశారు. ఈ క్రమంలో సభలో పవన్ ప్రసంగం ఎలా ఉండబోతోందన్నది ఏపీలో ఇప్పుడు హాట్ టాపిక్గా మారింది. ఇప్పటికే 2వ దశ వారాహి విజయ యాత్రలో ఎన్నో కీలకమైన ప్రసంగాలతో పవన్ రాజకీయాలను వేడెక్కించారు. 3వ దశలో ఆయన ప్రసంగం ఎలా ఉండబోతోందని అంతా ఆసక్తిగా ఎదురుచూస్తున్నారు . ఇదే సభలో స్టీల్ ప్లాంట్, గంగవరం పోర్ట్ కార్మికుల పోరాటాలకు మద్దతు తెలపబోతున్నారు. ఆ తరువాత జనవాణి కార్యక్రమం క్షేత్రస్థాయి పర్యటనలకు వెళ్తారు. వారాహి విజయ యాత్రను పర్యవేక్షించేందుకు ప్రత్యేక కమిటీలను సైతం నియమించారు పవన్.