తెలంగాణలో నిరుద్యోగులకు శుభవార్త. మరో ఉద్యోగ నోటిఫికేషన్‌కు రంగం సిద్ధమైంది. కస్తూర్బాగాంధీ బాలికల విద్యాలయాలు, అర్బన్‌ రెసిడెన్షియల్‌ స్కూల్స్‌లలో ఖాళీ పోస్టులకు శనివారం నోటిఫికేషన్ విడుదల కానుంది. ఈ నోటిఫికేషన్ ద్వారా కేజీబీవీ, యూఆర్‌ఎస్‌లలో మొత్తం 1,241 ఉద్యోగాల ఖాళీలను కాంట్రాక్ట్ పద్ధతిలో భర్తీ చేయనున్నారు. 854 పీజీ సీఆర్‌టీ, 273 సీఆర్‌టీ, 77 పీఈటీ, 12 ఎస్‌ఓ పోస్టులకు ధరఖాస్తులు ఆహ్వానించనున్నారు. కస్తూర్బాగాంధీ బాలికల విద్యాలయాల్లో పోస్టులకు మహిళలు మాత్రమే అర్హులు. ఈ నెల 26 నుంచి జులై 7 వరకు ఆన్‌లైన్‌లో దరఖాస్తులు స్వీకరిస్తారు. కాంట్రాక్టు ఉద్యోగాలకు రాత పరీక్ష ద్వారా అర్హులను ఎంపిక చేయనున్నారు.