ఎమ్మెల్యేను ప్రశ్నించిన జర్నలిస్ట్ పై దాడి....వీడియో వైరల్

మహారాష్ట్ర సీఎం ఏక్ నాథ్ షిండే వర్గానికి చెందిన ఎమ్మెల్యే కిషోర్ పాటిల్ అనుచరులు రెచ్చిపోయారు. ఎమ్మెల్యేను ప్రశ్నించిన జర్మలిస్ట్‌పై దాడికి దిగారు. నడిరోడ్డుపైనే విచక్షణ రహితంగా చావబాదారు. అతడు కిందపడిపోయనా వదలకుండా చితక్కొట్టారు. ఈ ఘటన మహారాష్ట్రలోని జలగాన్‌ జిల్లా పచోరాలో చోటు గురువారం ఉదయం చోటు చేసుకుంది.

ఎనిమిదేళ్ల బాలికపై హత్యాచారం కేసులో ఎమ్మెల్యే కిషోర్ పాటిల్‌ను ఓ సమావేశంలో సదరు జర్నలిస్ట్ ప్రశ్నించాడు. అతడు అడిగిన ప్రశ్నలకు ఎమ్మెల్యే ఇబ్బందికి గురయ్యారు. దీంతో సమావేశం అనంతరం ఆ జర్నలిస్ట్‌కు ఫోన్ చేసి బెదిరించారు. తమ నాయకుడిని ప్రశ్నించారని కక్ష పెంచుకున్న ఎమ్మెల్యే అనుచరులు గురువారం ఉదయం ఆ విలేకరిపై దాడి చేశారు. రోడ్డుపై వెళ్తుండగా అడ్డగించి మరి కొట్టారు. దాడి దృశ్యాలు ప్రస్తుతం వైరల్ అవతున్నాయి. ఎమ్మెల్యే అనుచరుల తీరుపై తీవ్ర విమర్శలు వస్తున్నాయి. ఈ ఘటనపై కాంగ్రెస్‌ తీవ్రంగా ఖండించింది. నిందితులపై కఠిన చర్యలు తీసుకోవాలని డిమాండ్‌ చేసింది.