గుజరాత్లో ఘోర ప్రమాదం.. పడవ మునిగి విద్యార్థులు మృతి

గుజరాత్లో ఘోర ప్రమాదం జరిగింది. వడోదర జిల్లాలోని హర్ని మోత్నాథ్ సరస్సులో పడవ మునిగిపోయింది. ఈ ప్రమాదంలో 9 మంది విద్యార్థులు సహా ఇద్దరు టీచర్లు మరణించినట్లు తెలుస్తోంది. మరికొంతమంది గల్లంతయ్యారు. గల్లంతైన వారి కోసం గాలింపు కొనసాగుతోంది. ప్రమాద సమయంలో పడవలో 27 మంది ఉన్నారు. విహార యాత్రకు వెళ్లి వస్తుండగా ఈ ప్రమాదం జరిగింది. పడవలో పరిమితికి మించి విద్యార్థులను ఎక్కించడంతో ఈ ప్రమాదం జరిగినట్లు సమాచారం. విద్యార్థులు న్యూ సన్‌రైజ్ స్కూల్‌కు చెందినవారిగా అధికారులు గుర్తించారు.