అయోధ్య రామ మందిరంపై ఆర్మీ హెలికాప్టర్లతో పూలవర్షం

హిందువుల 500 ఏళ్ల కల సాకారమైంది. అయోధ్య రామమందిరంలో బాల రాముడు కొలువుదీరాడు. వేద మంత్రాలు, మంగళవాయిద్యాల నడుమ అభిజిత్ లగ్న ముహూర్తంలో 12.29 నిమిషాలకు బాల రాముడి ప్రాణ ప్రతిష్ఠ జరిగింది. ప్రధాని మోదీ చేతుల మీదుగా ఈ క్రతువు నిర్వహించారు. ఈ కార్యక్రమంలో ఆర్ఎస్ఎస్ చీఫ్ మోహన్ భగవత్, యూపీ సీఎం యోగి ఆదిత్యానాథ్ పాల్గొన్నారు. రాముని ప్రాణ ప్రతిష్ఠతో దేశం మొత్తం నామ స్మరణతో మార్మోగింది. ఈ సందర్భంగా అయోధ్య రామమందిరంపై పూల వర్షం కురిసింది. ఆర్మీ హెలీ కాఫ్టర్లతో రామ మందిరంపై పూల వాన కురిపించారు. అద్భుత దృశ్యం అందరినీ ఆకట్టుకుంది.