Pawan Kalyan : అయోధ్యలో పవన్ కల్యాణ్.. సంతోషంగా ఉందంటూ..

అయోధ్య నగరం ఆధ్యాత్మిక శోభతో వెలిగిపోతోంది. రామమందిర ప్రారంభోత్సవ క్రతువులతో ఆ ప్రాంతమంతా రామ నామ స్మరణతో మారుమోగుతోంది. సోమవారం అయోధ్యలో రాముని ప్రాణ ప్రతిష్ఠ జరగనుంది. రామ్ లల్లా విగ్రహ ప్రతిష్టాపన కోసం హిందువులు వేయి కళ్లతో ఎదురుచూస్తున్నారు. హిందూధర్మంలో సువర్ణాక్షరాలతో లిఖితమవుతున్న అధ్యాయం ఇది. ఈ కార్యక్రమానికి ఎంతో మంది ప్రముఖులను ఆహ్వానించింది అయెధ్య ట్రస్ట్. ఇప్పటికే పలువురు ప్రముఖులు అయోధ్య చేరుకున్నారు.

జనసేన అధినేత పవన్ కల్యాణ్ అయోధ్య చేరుకున్నారు. లక్నో ఎయిర్ పోర్టులో ఆయన కీలక వ్యాఖ్యలు చేశారు. అయోధ్య రామ మందిరం హిందువుల చిరకాల కోరిక అని అన్నారు. 500 ఏళ్ల తర్వాత అది కాబోతుందని చెప్పారు. రాముని ప్రాణ ప్రతిష్ఠ కోసం హిందువులు ఎంతో ఆసక్తిగా ఎదురుచూస్తున్నారని తెలిపారు. ఈ కార్యక్రమంలో భాగస్వామ్యం అవ్వడం చాలా సంతోషంగా ఉందని అన్నారు. కాగా చిరంజీవి, రామ్ చరణ్ తేజ్, ప్రభాస్ సహా పలువురు సెలబ్రిటీలకు అయోధ్య ఆహ్వానం అందింది.