కుప్పకూలిన పార్కింగ్‌ ఏరియా.. ధ్వంసమైన కార్లు, బైకులు

పంజాబ్లోని మొహాలీలో ఓ పార్కింగ్ ఏరియా ఒక్కసారిగా కుప్పకూలింది. ఈ ఘటనలో 12 వాహనాలు ధ్వంసమయ్యాయి. మొహాలీ ఇండస్ట్రియల్ ఏరియాలోని సెక్టార్ 83లో బుధవారం మధ్యాహ్నం ఈ ఘటన జరిగింది. పార్కింగ్ స్థలం కుప్పకూలడంతో భవనంలోనా వారంతా ఒక్కసారిగా ఉలికిపడ్డారు. దీనికి సంబంధించిన సీసీటీవీ వీడియో ప్రస్తుతం నెట్టింట వైరల్గా మారింది.

కుప్పకూలిన పార్కింగ్​ స్థలం పక్కనే భవన నిర్మాణం కోసం తవ్వకాలు జరుగుతున్నాయని డీఎస్పీ హరిసిమ్రన్‌ సింగ్‌ తెలిపారు. ‘‘ఆ భవనానికి బేస్‌మెంట్ తవ్వుతుండగా ఈ ప్రమాదం జరిగింది. ఈ ప్రమాదంలో ఎవ్వరికీ ఎలాంటి గాయాలు కాలేదు. ఐతే గుంతలో పడిన కొన్ని వాహనాలు పూర్తిగా ధ్వంసమయ్యాయి. దీనిపై కేసు నమోదు చేసుకుని, పూర్తి స్థాయిలో విచారణ జరుపుతున్నాం అని చెప్పారు.