వేములవాడ రాజకీయాలు రసవత్తరంగా సాగుతున్నాయి. ముందు అభ్యర్థుల లిస్ట్లో తుల ఉమ పేరు ప్రకటించి.. చివరకు బీఫాం ఇవ్వకపోవడంతో ఆమె బీజేపీపై ఓ రేంజ్లో ఫైర్ అవుతున్నారు. వేములవాడ టికెట్ను బీజేపీ చివరి నిమిషంలో వికాస్ రావుకు ఇచ్చింది. ఈ క్రమంలో బీజేపీలో బీసీలను అణదొక్కుతున్నారని ఉమ ఆరోపించారు. బీజేపీ నేతలు తనను కలవాలని వచ్చినా.. ఫోన్ చేసిన ఊరుకునేది లేదన్నారు. వారి పరామార్శలు తనకు అవసరం లేదని చెప్పారు.
తన లాంటి నేతను మోసం చేయడానికి బీజేపీకి సిగ్గుండాలని తుల ఉమా విమర్శించారు. బీజేపీలో మహిళలకు చోటు లేదని.. నమ్మించి గొంతుకోశారని ఆవేదన వ్యక్తం చేశారు. అనుచరులతో సమావేశమై త్వరలో భవిష్యత్ కార్యాచరణ ప్రకటిస్తానని హామీ ఇచ్చారు. కాగా మాజీ జడ్పీ చైర్ పర్సన్ అయిన తుల ఉమను పార్టీలో చేర్చుకోవాలని కాంగ్రెస్ ప్రయత్నిస్తోంది. ఇప్పటికే ఆమెను పార్టీలోకి ఆహ్వానించింది. అటు బీఆర్ఎస్ నేతలు కూడా పార్టీలోకి రావాలని ఆహ్వానించారు.బీజేపీ నేతల బుజ్జగింపులు నాకు అవసరం లేదు : తుల ఉమ