ఒక పార్టీ కోసమే పనిచేయగలం.. హాట్ టాపిక్గా మారిన విజయశాంతి ట్వీట్..

తెలంగాణ ఫైర్ బ్రాండ్ విజయశాంతి చేసిన ట్వీట్ ప్రస్తుతం హాట్ టాపిక్గా మారింది. పార్టీ మారే అవకాశముందని ఊహాగానాలు వినిపిస్తున్న సమయంలో ఆమె చేసిన వ్యాఖ్యలపై సర్వత్రా చర్చ జరుగుతోంది. బీఆర్ఎస్ దుర్మార్గాల నుంచి తెలంగాణ ప్రజల్ని కాపాడుకోవడానికి కాంగ్రెస్ నుంచి పోరాడాలని కొందరు, బీజేపీ విధానాలను విశ్వసించే హిందుత్వవాదిగా బీజేపీ వైపే నిలబడాలని మరికొందరు కోరుకుంటున్నారని విజయశాంతి ట్వీట్ లో రాసుకొచ్చారు. ఈ రెండు అభిప్రాయాలు కూడా కేసీఆర్ దుర్మాగపు పాలన నుంచి రాష్ట్రాన్ని రక్షించుకునేందుకే అని చెప్పారు. అయితే సినిమాల్లోలాగా ద్విపాత్రాభినయం చేయడం రాజకీయాల్లో సాధ్యపడదని అన్నారు. ఏదైనా ఒక పార్టీ కోసం మాత్రమే పనిచేయగలమని విజయశాంతి ట్వీట్ చేశారు.