MLA Harish rao: బీఆర్ఎస్ వర్గపోరు.. సర్దిచెప్పిన హరీశ్‌రావు

బీఆర్ఎస్ వర్గపోరు మరోసారి బయటపడింది. ఇరువర్గాలు పరస్పర నినాదాలతో సమావేశం వేడెక్కింది. చేవెళ్ల లోక్‌సభ సన్నాహక సమావేశంలో ఈ ఘటన జరిగింది. పార్లమెంటు ఎన్నికల సన్నాహాల్లో భాగంగా హైదరాబాద్‌లోని తెలంగాణ భవన్‌లో నిర్వహించిన ఈ సమావేశంలో.. ఎమ్మెల్సీ మహేందర్‌రెడ్డి, మాజీ ఎమ్మెల్యే పైలెట్‌ రోహిత్‌రెడ్డి అనుచరుల మధ్య వాగ్వాదం తలెత్తింది. మహేందర్‌ రెడ్డి మాట్లాడే సమయంలో రోహిత్‌ రెడ్డి వర్గం నినాదాలు చేసింది. ఈ క్రమంలో ఎమ్మెల్సీ మహేందర్ రెడ్డి, మాజీ ఎమ్మెల్యే పైలట్ రోహిత్ రెడ్డి మధ్య వాగ్వాదం జరిగింది. ఇరువర్గాల పరస్పర నినాదాలతో తెలంగాణ భవన్ లో వాతావరణం వేడెక్కింది. దీంతో ఎమ్మెల్యే హరీశ్‌రావు కలగజేసుకొని ఇరువర్గాలకు సర్దిచెప్పారు. వారితో ప్రత్యేకంగా సమావేశమైన హరీశ్ రావు.. పార్టీలో అంతా కలిసుండాలని పిలుపునిచ్చారు.