మోడీ ఒక్కసారి మాటిస్తే కచ్చితంగా నిలబెట్టుకుంటారని ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ అన్నారు. దేశాన్ని కాపాడటం, అభివృదధిచేసే విషయంలో ఆయనను మించిన నాయకుడు ఎవరూ లేరని చెప్పారు. సికింద్రాబాద్ పరేడ్ గ్రౌండ్స్లో నిర్వహించిన మాదిగల విశ్వరూప సభలో ఆయన మాట్లాడారు. మాదిగల సభకు మోడీ వస్తారని తాము ఊహించలేదని అన్నారు.
సమాజం తమను పశువుల కన్నా హీనంగా చూసిందని, మాదిగలను ఇప్పుడిప్పుడే చైతన్యపరుస్తున్నామని మందకృష్ణ అన్నారు. తమకు అండగా నిలబడేందుకు వచ్చిన మోడీకి కృతజ్ఞతలు చెప్పారు. కాంగ్రెస్, బీఆర్ఎస్ పార్టీలు కేవలం మాటలు చెబుతాయని, కానీ తమ ఆకాంక్షలు నెరవేర్చేది మాత్రం బీజేపీనేనని అన్నారు. మోడీకి సామాజిక స్పృహ ఉన్నందునే ఆయన ఎమ్మార్పీఎస్ సభకు వచ్చారని చెప్పారు. బలహీన వర్గాల కష్టాలు ప్రధానికి బాగా తెలుసన్న మందకృష్ణ.. దళిత, గిరిజన బిడ్డలను రాష్ట్రపతులను చేసిన ఘనత మోడీ సొంతమని ప్రశంసించారు.manda krishna speech at madiga vishwaroopa sabha