Etela Rajender : ఈటలకు రోడ్డు ప్రమాదం.. నుజ్జు నుజ్జైన ఇంజిన్ భాగం

బీజేపీ కీలక నేత, హుజురాబాద్ ఎమ్మెల్యే ఈటల రాజేందర్ కు తృటిలో పెను ప్రమాదం తప్పింది. ఆయన ప్రయాణిస్తున్న కాన్వాయ్ కి యాక్సిడెంట్ అయింది. వివరాల్లోకి వెళ్తే.. కరీంనగర్ జిల్లా మానకొండూరు లలితాపూర్ వద్ద ఈ రోడ్డు ప్రమాదం జరిగింది. రోడ్డుకు అడ్డంగా వస్తున్న గొర్రెల మందను తప్పించే క్రమంలో.. ఈటల కాన్వాయ్ డ్రైవర్ సడెన్ బ్రేక్ వేశాడు. దీంతో ఆ కాన్వాయ్ వెనుక వస్తున్న కారు ఈటల వాహనాన్ని ఢీకొట్టింది. ఈ ఘటనలో ఈటల సహా ఎవరికీ ఎలాంటి గాయాలు కాకపోవడంతో అంతా ఊపిరి పీల్చుకున్నారు. ఈటల కాన్వాయ్ వెనక భాగం దెబ్బతినగా.. ఢీకొన్న వాహనం ఇంజిన్ భాగం నుజ్జు నుజ్జయింది. దీంతో ఆయన మరో వాహనంలో హైదరాబాద్ కు వెళ్లిపోయారు.