భద్రకాళి అమ్మవారి గుడికి చేరుకున్న ప్రధాని మోదీకి అలయ అర్చకులు పూర్ణకుంభం ఇచ్చి స్వాగతం పలికారు. ముందుగా ఆలయ ఆవరణలోని గోశాలలో గో సేవలో మోదీ పాల్గొన్నారు. అనంతరం అమ్మవారిని దర్శించుకుని ప్రత్యేక పూజలు చేశారు. భద్రత కారణంగా వరంగల్ పోలీసులు సెక్షన్ 144 అమలు చేశారు. దాంతో ఆలయంలోకి భక్తులెవరినీ అనుమతించలేదు. పూజ అనంతరం అర్చకులు చిరుధాన్యాలతో ప్రత్యేకంగా తయారుచేసిన ఆరు రకాల ప్రసాదాలను ప్రధానికి అందజేశారు. దాదాపు 15 నిమిషాలు పూజలు నిర్వహించిన మోదీ.. ఆర్ట్స్ కాలేజీలో నిర్వహించే సభకు బయలుదేరారు.