సోషల్ మీడియా కంటెంట్ క్రియేటర్స్కు తెలంగాణ సర్కార్ అదిరిపోయే ఆఫర్ను అందించింది. తమ వ్యక్తిగత ఛానెల్స్లో రీల్స్, వీడియోలు చేసే అలవాటు ఉన్న వారికి అవార్డులను అందించేందుకు రెడీ అయ్యింది రాష్ట్ర అటవీ శాఖ . అయితే వారు చేసే వీడియోలు మాత్రం పచ్చదనంతో నిండిపోవాలనే కండీషన్ను పెట్టింది.
ఈ మధ్యకాలంలో సోషల్ మీడియా ఎంత పవర్ఫుల్గా మారిందో ప్రత్యేకంగా చెప్పాల్సిన పని లేదు. నార్మల్ పీపుల్ నుంచి సెలబ్రిటీల వరకు ఆఖరికి ప్రభుత్వ అధికారులు, ప్రజాప్రతినిధులు సైతం సోషల్ మీడియా ద్వారానే ప్రజలకు చేరువవుతున్నారు. ప్రపంచ నలుమూలల్లో ఏ చిన్న సంఘటన జరిగినా క్షణాల్లో నెట్టింట్లో ప్రత్యక్షమవుతోంది. నిమిషాల్లో వైరల్ అవుతోంది.
ఇదే క్రమంలో రాష్ట్ర అవతరణ దశాబ్ది ఉత్సవాల్లో భాగంగా జూన్ 19వ తెలంగాణ సర్కార్ పెద్ద ఎత్తున హరితోత్సవాన్ని నిర్వహించనుంది. ఈ కార్యక్రమంలో భాగంగా రాష్ట్ర వ్యాప్తంగా ఆరోజున భారీ సంఖ్యలో మొక్కలు నాటేందుకు ఏర్పాట్లు చేస్తున్నారు.
అందుకే ఈ సోషల్ మీడియా ద్వారా పచ్చదనం ప్రాముఖ్యతను , హరితహారాన్ని మరింతగా ప్రోత్సహించాలనే ఉద్దేశంతో ప్రత్యేకంగా కంటెట్ క్రియేటర్లకు అవార్డులు అందించాలని తెలంగాణ రాష్ట్ర అటవీశాఖ అధికారులు నిర్ణయించారు. హరితహారం, పచ్చదనం, అర్బన్ ఫారెస్ట్ పార్కులు, మొక్కల గురించి ప్రత్యేకతను, ప్రాముఖ్యతను వివరిస్తూ క్రియేటివ్గా వీడియోలు చేసిన వారిలో ది బెస్ట్ను సెలెక్ట్ చేసి అవార్డులు అందించనున్నారు అధికారులు. వీడియోలు , రీల్స్ చేసేవారు నిమిషం పాటు డ్యూరేషన్ ఉండేలా చూసుకోవాలని సూచించారు. ఈ వీడియోలను tkhh2023@gmail.com అనే మెయిల్కు పంపిస్తే సరిపోతుంది.