Dasara holiday changed: ప్రభుత్వ ఉత్తర్వులు జారీ.. దసరా 24న కాదు.. మరెప్పుడంటే?

తెలంగాణ పెద్ద పండుగ బతుకమ్మ, దసరాకు రాష్ట్ర ప్రభుత్వం.. స్కూళ్లు, కాలేజీలు, ప్రభుత్వ కార్యాలయాలకు ఇప్పటికే సెలవులు ప్రకటించింది. ఈ ఏడాది అక్టోబర్ 24న దసరా పండుగ వస్తుంది. అక్టోబర్ 22న సద్దుల బతుకమ్మ జరుపుకుంటారు. దీంతో ఈ రెండు పండుగలకు కలిపి మొత్తం 13 రోజులు సెలవులు రానున్నాయి. ఈ క్రమంలో దసరా సెలవును మార్చుతూ ప్రభుత్వం ఉత్తర్వులు జారీ చేసింది. అక్టోబర్ 23న దసరా సెలవు ప్రకటించింది. అలాగే అక్టోబర్ 24న కూడా సెలవును ప్రకటించింది. దసరా పండుగ విషయంలో కొంత సందిగ్ధత నెలకొన్న క్రమంలో.. తెలంగాణ విద్వత్ సభ అక్టోబర్ 23న దసరా పండుగ జరుపుకోవాలని సూచించింది.

ఈ మేరకు ప్రభుత్వ పాఠశాలల అకడమిక్ క్యాలెండర్ 2022-23లో దసరా సెలవులకు సంబంధించిన వివరాలను విద్యాశాఖ ముందుగానే ప్రకటించింది. అక్టోబర్ 13 నుంచి 25వ తేదీ వరకు దసరా సెలవులు ఉంటాయి. జూనియర్ కాలేజీలకు అక్టోబర్ 19 నుంచి 25వ తేదీ వరకు.. 7 రోజులపాటు సెలవులు ప్రకటించింది. తిరిగి అక్టోబర్ 26న విద్యాసంస్థలు తెరుచుకుంటాయి.